خلينا نقولها بشكل مختلف، أي حملة إعلانية نجحت اتوفر فيها 3 عوامل.
ايه هم الـ 3 عوامل دول؟
قبل ماقولك عليهم خلينا نحط أساس نمشى عليه سوا وهو ان النجاح هنا المقصود بيه المبيعات.
حقيقي انا مش بقدر افهم الناس اللي بتعمل حملة إعلانية وتقول الحملة دى ناجحة جداً وفى الاخر لما نبص عليها نلاقى ان المقياس بتاعهم هو جابت كام لأيك وكام شير وكام كمنت … الخ.
احنا بنسمى المقاييس دي مقايس كدابة، وده لأنها مقاييس مش بتخدم هدف البيزنس نفسه او هدف الحملة
عشان كده لازم تحدد بالضبط ايه هي الـ KPIs اللي انت محتاج تبص عليهم واللي بيهم هتقدر تقيس نجاح الحملة بتاعتك ودول اهم 3 مقاييس ليهم علاقة بالبيع.
تكلفة الظهور للألف، تكلفة الزيارة او الرسالة، تكلفة العميل الواحد.
خلينا نرجع بقي نقول ايه هم الـ ٣ عوامل اللي لو اتوفروا في أي حملة هتنجح.
- الرسالة واضحة وقوية (الاوفر)
- الجمهور معروف (العميل المثالي)
- الوقت (التوقيت المناسب)
واحدة واحدة بقي عشان نعرف أزاي نوصل للـ 3 عوامل دول.
العنصر الآول وهو الرسالة او بمعنى تانى الاوفر اللي هننزل بيه السوق
الاوفر لازم يتوفر فيها 3 حاجات:
- بتبيع ايه؟
- اشتريه ليه؟
- اشتريه أزاي؟
العنصر التاني وهو الجمهور:
لازم تفهم 3 حاجات مهمة جداً عن العملاء بتوعك:
- هم مين؟
- ايه مشكلتهم؟
- عاوزين ايه؟
العنصر التالت وهو الوقت:
المقصود هنا التوقيت اللى العميل ممكن يحتاج يشترى المنتج بتاعك.
ولازم تفهم 3 حاجات مهمة عن الوقت:
- امتى بيشتروا المنتج؟
- طبيعة قرار الشراء
- بيشتروه كام مرة في العمر
العنصر ده يكاد يكون العنصر الأصعب في المعادلة كلها، وبيكون مستحيل في بعض الأحيان اننا نعرف امتى العميل بيحتاج المنتج بتاعنا، خصوصاً لو المنتج قرار الشراء بتاعه سريع ومش بيحتاج لوقت وتحليل، او بيشترية مرات قليلة جداً في حياتة.
خلينا نضرب مثال بسيط واحنا عشناه سواء دلوقتى:
لو لسة بتقرأ لحد دلوقتى، فغالباً احنا عملنا جزء كبير من اللى بنشرحة.
- انت العميل المثالى بالنسبالنا
- الرسالة مناسبة ليك
- التوقيت مناسب او لا؟ لسه منعرفش
اللى بيحدد اذا كان التوقيت مناسب ولا لا، هو الاكشن اللى العميل بياخدة وهو انه يشترى.
زى مقولنا اهم حاجه في البيزنس المبيعات
لو العميل اقتنع بالرسالة وهو فعلاً محتاج المنتج هيشترى.
في الحالة بتاعتنا المنتج هو “كورس ضاعف مبيعاتك خلال 90 يوم” واللى بيساعد أصحاب الشركات وأى حد بيعمل إعلانات على الفيسبوك انه يتحكم فى المبيعات ويكون عنده المقدرة انه عارف بيصرف كام وداخلة كام.
بمعنى تانى هتتعلم ازاى تعمل حملة إعلانية ناجحة من الألف للياء.
فلو انت صاحب شركة او حد بتعمل إعلانات وبتعانى من مشكلة في المبيعات فالكورس ده ليك.
ودول التلت عناصر في جملة واحدة
- الرسالة (الاوفر) كورس لحل مشكلة البيع
- الجمهور (العميل المثالي) صاحب شركة او حد بيعمل إعلانات
- الوقت (التوقيت المناسب) بتعانى من مشكلة في البيع.
لو التلت عناصر بينطبقوا عليك فانت هتشترى، بس في حاجة أخيرة، لو فاكر ان الموضوع سهل فانا بقولك لا، الموضوع معقد وبياخد وقت ومجهود كبير عشان توصل للنقطة دى، الكورس مش هو الحل، تطبيق اللى هتتعلمة هو الحل، فلو انت من الناس اللى بتشترى كورسات تتفرج عليها ومتطبقش فالاحسن انك متشتريش، لكن لو جاهز انك تلتزم بتطبيق الاستراتيجية اللى هتتعلمها فسعر الكورس 2000 جنيه وتقدر تشترية من خلال اللينك ده.
اشترك الآن وضاعف مبيعاتك خلال 90 يوم فقط
https://course.morshedworx.com/enroll
