العميل مش موجود عشان يشتري منتجك، انت موجود عشانهم … قاعدة أساسية فى البيزنس.
دى اول مشكلة الشركات بتقع فيها، وهي الاعتقاد ان العميل موجود عشان يشترى منتجهم، وده بيخلى شركات كتير تقع في الفخ ده وهى انهم بيعرضوا معلومات المنتج نفسه وقد ايه المنتج ده جميل واحسن من غيره في السوق، لكن الحقيقة ده ميهمش العميل في حاجه.
اللى يهم العميل هو المنتج ده هيساعدنى في ايه؟ وهيحللى مشكلة ازاى؟ عشان كده لازم تخلى كل المحتوى اللى هتكتبة في الإعلان اوصفحة بيع المنتج عن العميل مش المنتج.
خلينا ناخد مثال نوضح الفرق بين الوظيفة والمنفعة وازاى تكتبها؟
الوظيفة، هى ببساطة التفاصيل او الخصائص الفنية للمنتج/الخدمة، زى ان المنتج مصنوع من الخامات كذا وحجم المنتج كذا فى كذا … الخ.
المنفعة، هى الحاجه اللى هتعود على العميل من المنتج او من الوظائف دى.
مثال على ده:
احنا مثلاً عندنا كورس بنبيعة
وظائف الخدمة:
- كورس تسويق متكامل
منافع الخدمة:
- هتضاعف مبيعاتك خلال 90 يوم
- هتقدر تبيع لاى عدد عملاء في اى وقت
- هتتحكم في ميزانية التسويق عارف بتصرف كام وداخلك كام
لازم تركز عليها هى مشاكل العميل واحتياجاته، لان مفيش حد ممكن يشترى منتجك الا لو محتاجه، مع العلم ان العميل ممكن ميكونش يعرف انه محتاجه اصلاً، وده يرجع لسببين الاول انك مش عارف ايه المشاكل اللى بيعانى منها العميل والثانى انك مش عارف توصله القيمة دى.
العميل قبل المنتج دائماً.
المختصر المفيد:
راجع على كل المحتوى اللى عميلك بيشوفه ودائماً خلى الكلام يكون بيركز على مشاكل العميل اللى بيحلها المنتج وحاول تقلل كلام البيع في المحتوى بتاعك، عشان تقضى على تخوف العميل تجاه المنتج.
وخليك فاكر ان الهدف من الاعلان هو انه يخلى الناس تاخد خطوه لقدام فى رحلة الشراء، انا عارف انى كررت الكلام ده اكتر من مره، معلش … بس فعلاً النقطه دى مهمه جداً.
كل الشركات بتحاول تبيع منتجاتهم من الاعلان لعملاء ممكن يكونوا محتملين بس هم حرفياً اول مره يسمعوا عنهم، خد نفسك كمثال: عمرك اشتريت حاجه من على الفيسبوك لمجرد انك شوف الاعلان بتاعها؟ ماعتقدش!
ثانياً لازم الاعلان يلفت انتباه العميل المحتمل ويجبره انه يقراه كامل، ويحفزه انه ياخد خطوه كمان ويدخل على الموقع بتاعك.
لما يدخل بقى على صفحة المنتج ابقى قولة تفاصيل المنتج بتاعك.
ادخل على صفحة الكورس بتاعنا وشوف بنفسك.
Morshedworx.com/course
