من 10 سنين ابتديت رحلتى كرائد اعمال، كان فى احساس دايماً ملازمنى وهو هل الخطوه اللى باخدها دى هى الخطوه الصح ولا لا، وطبعاً مكنتش بعرف الا بعد مجرب بنفسى، عملت اخطاء كتير واتعلمت حاجات اكتر، عملت مشاريع كتير وفشلت، لو رجع بيا الزمن هاخد نفس الطريق، بس حاجه واحده كنت اتمنى تكون عندى وانا ببدء وهى المعرفه بان اللى بعمله ده هو الصح، عشان كده هحاول اكتب ملخص للخطوات اللى المفروض تاخدها لو فكرت تدخل فى المجال ده وتعمل مشروع خاص بيك، وهحاول احطها فى اطار زمنى بحيث تتكون عندك رؤية كامله عن المشروع والاطار الزمنى اللى هتنفذ فيه المشروع فتقدر تحدد اذا كنت ماشى صح ولا لا، يلا نبدء…
اليوم الاول والثانى: فكر كويس قبل متاخد القرار
هل انت رائد اعمال ولا لا؟
فى رأيي الشخصى كل الناس عندهم المهارات انهم يكونوا واصحاب بيزنس، ممكن معندهمش المعرفه الكافية، اللى بيفرق رائد الاعمال من غيره هى اللحظة اللى فيها بتقرر ان الوضع مينفعش يكمل كده وده بيديك الدافع انك تغير وضعك وتمشى فى طريق تانى، اللحظة دى ممكن تجيلك فى لحظة احباط من اللى وصلتله، من قلة فلوس والمرتب اللى مش مكفى، فرصه ظهرت قدامك … الخ
هتلاقى ناس كتير بتقولك انت محتاج يكون عندك عزيمة واصرار ومرونة، ومين معندوش اصلاً الحاجات دى! احنا عايشين فى مصر.
هتفضل فى الوظيفة ولا هتستقيل؟
لو هتكمل فى الوظيفة لازم تحدد الوقت اللى هتقدر تشتغل على مشروعك، لو هتستقيل يبقى لازم تعمل خطه للمصاريف الشخصية لمدة ٦ شهور ويفضل سنه.
ايه المخاطر اللى ممكن تحصلك لو بدأت مشروعك الشخصى؟
حاول تكتب كل المخاطر اللى ممكن تحصلك، زى الخسارة والديون وفشل المشروع وحاجات كتير اوى ممكن تحصلك.
هل اسرتك متفهمه للوضح الجديد؟
لازم تقعد مع اسرتك وتفهمهم الوضع بالكامل واشرحلهم المخاطر اللى انتوا داخلين عليها، خليك صريح ووصلهم الرؤية كامله، لازم تضمن باى الشكل انهم هيتحملوا العواقب وهيكونوا سند ليك فى رحلتك لانك هتحتاج ده اوى، طبعاً مش هوصيك لو فى اى مساعده يقدر اى فرد من الاسرة يقدمها فى المشروع متترددش لحظه، اقبل باى نوع مساعده ممكن يتقدملك.
هل محتاج تمويل لمشروعك ولا معاك فلوس تصرف عليه؟
فى خطوه جايه هتعرف بالظبط انت محتاج تمويل قد ايه لمشروعك، طبعاً لو التمويل مش متوفر مش عاوزك تقلق فى وسائل كتير تقدر توفر بيها تمويل لمشروعك، زى انك تستلف طبعاً من عيلتك او صحابك، تاخد قرض من البنك وطرق تانيه كتير.
هل تعرف ايه نقاط قوتك وهل بتخطط تستخدمها فى المشروع؟
لازم قبل متبدء تحدد وتعرف ايه هى نقاط قوتك ونقاط ضعفك، ايه المهارات اللى ممكن تحتاج تتعلمها، فى اداه اسمها SWOT (شرح مبسط ليها مع لينك للمعلومات الكامله فى مقالة)
ازاى تدخل مجال الصناعة وتفهم السوق وتطور من نفسك و تبني شبكة علاقات؟
محتاج استراتيجية هنا <<<
اليوم الثالث لليوم السابع: فكرة المشروع و السوق والمنافسين
عندك فكرة مشروع ولا لا؟
الفكرة واحده من العناصر الاساسية لنجاح مشروعك، وتعتبر اول خطوه ليك فى رحلتك، فكر بشكل مختلف، دور على حاجه ناقصة او مشكله في المجال اللى بتحبه اكتر حاجه لانك هتفضل بتعمل ده لوقت طويل ومش عاوزك تزهق وحاول توفرها او تلاقيلها حل، وكل مكانت المشكله عند مجموعة كبيرة من الناس كل مزاد عليها الطلب، كلنا بنحلم دايماً بالفكرة اللى تتحول لشركة بمليار دولار (مقالة عن ازاى تلاقي فكرة بمليار دولار)
اكتب الفكرة بتاعتك
بعد ما تلاقي فكره اكتبها على ورقة، حاول تكتبها فى جمله واحده كانها تويته، المفروض ان الجمله دى توضح لاى حد يقراها انت عاوز تعمل ايه بالظبط، تقدر تقول هى اجابه عن 5 اسئلة بشكل مختصر طبعاً، حاول متزيدش عن 140 حرف.
انت مين؟ بتعمل ايه؟ وبتعمله لمين؟ وبتعمله ليه؟ وبتعلمه ازاى؟
ايه المشكله اللى بتخطط لحلها؟
رائد الاعمال الناجح هو الى بيحل مشكله للناس ويخلى حياتهم احسن، لو قدرت تقدم حل لمشكله كبيرة بيعانى منها مجموعة كبيرة من الناس، فانت على اول طريق البيزنس الناجح.
مثال على ده:
في سنة 2011 أيام المظاهرات وتحديداً أيام محمد محمود، ووسط الضرب، شوفت واحد صاحبى شغال مصور في جريدة مصرية، وهو بيحاول يصور الاحداث، وقد ايه معرض حياته للخطر وبعدها شوفت مشهد تانى لمصور بيتاخد منه الكاميرا وبتتكسر وكل الى كان شغال عليه طول اليوم بيروح في الهوا.
دى مشكله المصورين وخصوصاً مصورين الصحافة بيعانوا منها، خصوصاً ان الى يهمهم ان الصور دى متضيعش في حالة ان الكاميرا حصل فيها حاجه، الى فكرت فيه ساعتها كان حل عبارة عن ابلكيشن على الموبيل يقدر ياخد نسخه من الصور في نفس اللحظة الى بتتصور فيها، مش بس كده لا، ده هياخد نسخه على الموبيل ونسخه على حساب الشخص المصور على الموقع بتاعنا الى محمى بكلمة سر.
شوف بقى في كام واحد مصور حوالين العالم ممكن يستخدم المنتج ده، وفعلاً سالت صاحبى وعرضت عليه الحل ده وكان منبهر بيه وقالى ادفع اى حاجه عشان الصور بتاعتى متضييعش، وبردو سالت ناس كتير مصوريين كنت بقابلهم أيام المظاهرات، وكلهم قالوا نفس الكلام، ندفع اى رقم عشان يتعمل منتج زى ده.
مين هو العميل بتاعك؟
معظم الناس بتفكر ان العميل بتاعهم هو الشخص الى بيدفع تمن الخدمة او المنتج، ده حقيقى، بس ده مش معناه ان الشخص الى بيستفاد من الخدمة هو الشخص الى بياخد القرار.
لو عندك حضانة، تفتكر العميل بتاعك مين الاهل ولا الطفل؟ في الحالة دى الخدمة هتتقدم للأطفال بس الى هياخد القرار هم الاهل، فهمك للعميل هيساعدك كتير اوى في الاستهداف، يعنى لما تيجى تعمل اعلان مش هتعمل عشان يشوفه الأطفال هتعمله عشان اهله هم اللى يشوفوه.
مين منافسينك؟
اهم خطوه واكتر جزء هيساعدك هو جزء المنافسين لانك هتفهم منه الناس شغاله ازاى وايه الى بيميزهم وايه الى ناقص وتكمله، ده كله هيوفرلك المعلومات الى تبنى بيها ميزه تنافسية تميزك عن المنافسين بتوعك.
النوع الاول وهو المنافس المباشر، ودول شركات بتبيع نفس الى انت بتبيعه.
النوع الثاني وهو المنافس الغير مباشر، ودول شركات بتبيع منتجات شبيها او بديلة للمنتجات الى انت شغال فيه
لو عاوز تختصر وقت ومجهود وفلوس كتير، نصيحة روح اشتغل عند واحد من منافسينك لمدة 6 شهور، ده هيساعدك تعرف كل المعلومات اللى انت محتاجها عشان تنجح المشروع بتاعك.
هل الفكرة تستاهل انى انفذها ولو نفذتها مربحة ولا لا؟
قبل متاخد اى خطوه بعد كده لازم تتكلم مع مجموعة من الفئة المستهدفة بتاعتك، فى طرق كتير عشان تتاكد ان دى الفكرة المناسبة،
ممكن تتكلم مع حد من قرايبك او صحابك، بس لازم تنطبق عليهم فعلاً نفس معايير الفئة المستهدفه اللى هتشترى المنتج بتاعك
ممكن تنزل بوست على الفيسبوك عندك تطلب تقابل ناس بتنطبق عليهم نفس المعايير
اعمل ويب سايت “Landing page” للمنتج اللى هتبيعه، واعمل اعلان بـ ٢٠٠ جنيه على الفيسبوك وشوف النتيجة ايه
اعمل صفحة على الفيسبوك واعمل اعلان واعمل اعلان بـ ٢٠٠ جنيه على الفيسبوك وشوف النتيجة ايه
شوف حد من صحابك يكون عنده شركة بتشتغل فى نفس المجال وحاول تساله وتاخد منه معلومات على قد متقدر
الجزء ده مهم جداً
اليوم الـ ٨ لـ ١١: التخطيط وكتابة الارقام المبدئية
حط اساسيات البيزنس بتاعك
البيزنس بتاعك هيجيب فلوس ازاى ومنين؟ ومين الى هيدفع؟ وهنوصله ازاى؟ ومحتاجين نعمل ايه عشان نوصله؟
فى ادوات كتير فى السوق بتساعدك تصمم نموذج اعمالك، كان عندى دايماً مشكله معاهم كلهم لانهم مبنيين على التوقعات الشخصية والتجربه وده بياخد وقت ومجهود وفلوس كتير عشان توصل للنموذج الفعال والناجح للبيزنس بتاعك
وده اللى خلانى اطور اداة جديدة اسمها Business Model Hive، واللى بتوفرلك طريقة جديدة لتصميم نموذج اعمال مضمون وناجح من اول محاوله.
توقع حجم المبيعات
بناءاً على حجم السوق الخاص بيك و قدرتك الإنتاجية وميزانية التسويق تقدر تتوقع حجم المبيعات الخاص بيك، تقدر هتستخدم المعلومات اللى حطيتها فى الشيت الخاص بدراسة السوق والمنافسين
تحديد تكاليف تأسيس بدء المشروع
بناءاً على الـ Business Model Hive الخاص بالمشروع تقدر تحدد التكاليف اللى محتاجها عشان تقدر توصل المنتج او الخدمة للعميل، هتكتب كل التكاليف اللى محتاجها عشان تنفذ المشروع وخرجه للنور وتبيع اول منتج لاول عميل.
هل هتأجر ولا هتشترى شقة او محل؟ هل محتاج حد يعملك ويب سايت؟ فى اى ادوات محتاج تشتريها؟ رسوم تأسيس الشركة؟ او اى رسوم اخرى
الجزء ده مهم جداً برضو <<<<<
تحديد المصاريف الشهرية
هنا هتكتب كل المصاريف الشهرية اللى المفروض تدفعها كل شهر، زى مرتبات الموظفين وايجار المكان والمرافق زى المياه والنور والغاز والانترنت … الخ
الجزء ده مهم جداً برضو <<<<<
تحليل الـ Break-even Point؟
لازم تعرف المشروع محتاج يكسب قد ايه عشان يجيب مصاريفه؟ برضو محتاج تعرف هتبيع قد ايه فى الشهر عشان تغطى التكاليف الشهرية لتشغيل المشروع؟ وده هيساعدك انك تتاكد اذا كانت توقعات المبيعات اللى عملتها فى الخطوه اللى فاتت مظبوطه ولا محتاج تعدلها.
الجزء ده مهم جداً برضو <<<<<<<
اليوم ١٢ لـ ١٤: تمويل المشروع
هتمول المشروع ازاى؟
دلوقتى اتكونت قدامك فكرة شاملة عن المبلغ اللى محتاجه عشان تعرف تنفذ المشروع، وجيه الوقت اللى لازم تعرف بالظبط ازاى هتوفر المبلغ ده؟
مقالة عن مصادر التمويل للمشاريع زى المسابقات … الخ
اليوم الـ ١٥: القيمة المضافة الفريدة
تحديد القيمة المضافة الفريدة؟
معروفة بالاختصار UVP ودى تعتبر مفتاحك للتسويق لمشروعك، بعد متعمل الخطوات اللى فاتت كلها بقى عندك معرفة بالمشكله والحل والفئة المستهدفة لمشروعك، برضو اكيد اتعلمت كتير من المعلومات اللى عرفتها من البحث التسويقى اللى عملته، اللى مطلوب منك فى الخطوه دى انك تجمع كل المعلومات اللى عندك وتكتب جمله توصف او تعرف الناس ليه المشروع بتاعك مختلف عن المنافسين، وليه يختارا منتجك وميختاروش منتج منافسينك.
امثله
اليوم الـ ١٦: البدء فى كتابة خطة العمل
ابدء فى كتابة خطة العمل
دلوقتى جيه الوقت لكتابة خطة العمل لمشروعك بعد معملت كل الخطوات اللى فاتت،
قبل متكتب خطة العمل لازم تعرف انت بتكتبها ليه؟ واحده من الاسباب الاساسية اللى ممكن تحتاج خطة العمل ليها بعيداً عن انك تكون فاهم انت ماشى ازاى ورايح فين وايه اللى المفروض تعمله عشان توصل لهدفك هو انك هتحتاجها لو هتحتاج تمويل لمشروعك، مفيش اى مستثمر هتروحله الا وهيسالك عليها
هل هتبدء لوحدك ولا محتاج فريق عمل؟
حدد اذا كنت هتبدء المشروع لوحدك ولا محتاج فريق عمل؟ وهل فريق العمل هيكون شركاء فى المشروع ولا موظفين؟ لو شركاء هيكونوا مين وايه امكانيتهم ولازم تحدد بالظبط انت ليه محتاجهم ودور كل واحد ايه وايه اللى هياخدوه من المشروع، مرتبات، نصيب من الشركة، ولا اى شئ اخر؟ لو موظفين … هل محتاجهم دلوقتى ولا بعد متبدء المشروع؟
اختيار اسم الشركة
لما تيجى تختار اسم الشركة لازم يكون معبر عن المشروع والقيمة اللى بتضيفها للسوق وللمستهلكين، بعد متحدد اسم المشروع لازم تتاكد ان مفيش شركة تانيه واخداه وبعد كده دور على اسم نطاق للمشروع على الويب واحجزه
تصميم اللوجو
بعد اختيار الاسم، ابدء فى تصميم شعار، لو مفيش حد فى الفريق يقدر يصمم اللوجو بشكل اخترافى، يفضل انك تشوف مصمم محترف ينفذهولك، اللوجو عنصر اساسى من البراند بتاعك، خد وقتك وحاول تخليه يعكس هويتك المشروع بشكل مميز وبسيط.
اليوم الـ ١٧ لـ ١٩: مكان المشروع والويب سايت
فى خلال عملية تصميم اللوجو ابدء فى تصميم الموقع الإلكتروني، اختار الالوان اللى تعبر عن مشروعك،
- جهز المحتوى التعريفي للشركة والمنتجات او الخدمات
- جهز الأدوات التعريفية بالشركة (برشور، وكروت شخصية وموقع الكتروني وصفحات تواصل • اجتماعي … الخ)
- جهز صيغ الاتفاقات بينك وبين الموردين والعملاء (العقود)
هل محتاج محل لبيع منتجاتك ولا هتبيع اونلاين؟
بناءاً على نوع المشروع نفسه هيتحدد اذا كنت محتاج محل تعرض وتبيع منتجاتك ولا ويب سايت، او الاتنين، لو قررت ان تاخد محل او محتاج تفتح شركة لازم تختار المكان اللى هتفتح فيه بعناية، ولازم تاخد فى الاعتبار العملاء من طرف والموظفين من طرف تانى، بحيث انك تسهل عليهم الطريق والمواصلات.
تسجيل الشركة بشكل قانوني
طبعاً مش محتاج اقولك انك لازم تسجل الشركة عشان تكون شغال بشكل قانونى ومتحصلكش مشاكل فى المستقبل، ومينفعش تشتغل من غير فواتير ضريبية.
لو هتتعامل مع شركات هتحتاج سجل تجارى وبطاقة ضريبية
نشاط تجارى
نشاط صناعى
انواع الشركات (6 انواع)
اليوم الـ ٢٠ لـ ٢٣: تصميم المنتج الأولى
تجهيز المنتج الاولى
واحده من المشاكل الى قابلتى على مدار رحلتى كرائد اعمال كانت انى مش بقبل بحاجه اى كلام، لازم المنتج بتاعى يكون فى النمره واحد، مفيهوش ولا غلطه وفيه كل الوظائف اللى العميل محتاجها، وده طبعاً اللى انا شايفة مش الوظائف اللى العميل محتاجها فعلياً.
لو المشروع بتاعك Tech Startup فانت ممكن تقع فى نفس المشكله، وعشان تتفادها فى مفهوم اسمه MVP وده اختصار Minimum viable product، ومعناه باختصار انك بدل متبذل وقت ومجهود وفلوس فى تطوير منتج بناءاً على توقعاتك انت فى ان ده هو اللى محتاجه العميل، فانت بتبنى منتج اولى فيه الوظائف الاساسية جداً واعرضه على العميل وبعدين خد الـ Feedback وابدء طور المنتج بناءاً على احتياجات العميل نفسه.
وده معروف بالـ Lean Startup وفى نوع تانى اسمه Bootstrapping
اليوم الـ ٢٤ لـ ٢٥: فنش خطة العمل
الشغل اللى عملته لحد دلوقتى يخليك جاهز انك تفنش خطة العمل، اعتقد جيه الوقت انك تحط كل حاجه على الورق بقى، هتلاقى هنا كل النماذج اللى ممكن تحتاجها عشان تكتب خطة العمل مع شرح لكل خطوه
لو بتخطط انك تقدم على قرض او استثمار
عناصر خطة الماليات:
- الأرباح والخسائر
- قائمة التدفقات النقدية
- الميزانية
- توقعات المبيعات
- خطة الموظفين
- وربما بعض نسب الأعمال و / أو تحليل التعادل
اليوم الـ ٢٦ لـ ٢٧: اكتب خطة التسويق والمبيعات
دلوقتى جيه الوقت لكتابة خطة التسويق والمبيعات
ابنى خطة التسويق والمبيعات
الفرق بين خطة التسويق وخطة العمل انه مش شرط تكون تفصيلية زى خطة العمل، بس لازم تغطى حاجتين اساسيين
ازاى هبيع المنتج بتاعك؟
وايه هى قنوات التوزيع؟
لو عملت الـ Business Model Hive فانت عندك المعلومات كلها اللى محتاج تعرفها عشان تعرف تعرض منتجك ازاى وفين وتبيعه ازاى؟
فى قاعدة فى الإدارة بتقول انك لو مش عارف تقيس مش هتعرف تدير
If you can’t measure it, you can’t manage it.
لازم تحدد الـ KPIs اللى هتقيس بيها نجاح المشروع
اليوم الـ ٢٨ لـ ٢٩: قدم على تمويل لمشروعك
فى بداية الطريق انت خططت وعرفت انت هتحتاج تمويل قد ايه عشان تبدء مشروعك، جيه الوقت انك تخرج الملفات اللى كتبتها واستخدمها عشان تكمل النماذج دى
اليوم ٣٠: اعمل خطة تقيس بيه النجاح
فى الخطوة الاخيره اللى عليك انك تسطب ارضية بحيث ان مشروعك يكبر، لازم تراقب الارقام وتحللها وتبنى قراراتك بناءاً عليهم، ده بيزود نجاح المشروع بشكل كبير لانه بيخلي عندك رؤية واضحة لمسيرة العمل ونجاح المشروع
حدد اهداف و Milestones لمشروعك
ايه هى الـ Milestones اللى انت محددها لمشروعك؟ الـ Milestones بتساعدك ان تحافظ على تنفيذ خطة العمل لانها بتخليك دايماً شايف الخطوة الجايه بوضوح، حاول بقدر الامكان تخليها واضحة ومدتها قصيرة
حدد اجتماع شهرى لمراجعة الاستراتيجية الماليات
يقال ان خطة العمل حاجه والحياه العملية حاجه تانيه، الكلام ده بشكلاً ما مش صح، انت لو عندك رؤية واضحه ومعرفة كافية بالسوق وتغيراته، تقدر تكتب خطة عمل وتنفذها بنسبة كبيرة جداً، عشان كده مش عاوز تعتبر خطة العمل ورقة بتكتبها عشان تروح بيها لمستثمر او بنك عشان تاخد تمويل، لا اعتبرها اداه تستخدمها فى تحليل ومقارنة النتائج الحقيقية بالخطة بتاعتك وعدل دايماً فيها لو فى حاجه مختلفه.
كل اللى عليك انك تحدد ميعاد للمراجعه شهرياً وخد نظرة شامله على كل حاجه:
- راجع الارقام الحقيقة بالارقام المتوقعه فى الخطة، هل الاداء زى متوقعت؟
- لو الارقام اعلى او اقل من الخطة، اعرف ايه الاسباب؟
- بناءاً على الارقام حدد اذا كنت محتاج تعدل فى الخطة، زى تقليل التكاليف وزيادة التسويق … الخ
- راجع الـ Milestones وشوف حققتهم ولا لا
- حدد Milestones للشهر الجديد
لو قررت انك تغير حياتك وتدخل المجال ده اعمل حسابك:
يكون عندك مرونة للتغير دايماً، اوقات كتير النتائج بتكون مختلفه تماماً عن التوقعات، مش عاوزك تيأس ولازم يكون عندك اصرار
شوف Mentor يساعدك ويوجهك فى مشروعك، الموضوع فيه تكلفة بس تستاهل و هتوفر عليك كتير اوى
لما تقع متريحش كتير، حاول تقوم بسرعة وفكر نفسك دايماً انت ليه اخدت الطريق ده
اصبر … الرحله دى ممكن تاخد سنه وممكن تاخد سنين
