شركات كتير بتخسر عدد لا بأس به من العملاء بسبب النقطه دى لوحدها، في مواقع كتير اونلاين عملية الشراء منها معقده جداً وصعب على العملاء خصوصاً اللى مبيعرفوش يستخدموا المواقع بشكل كويس انهم يشتروا.
الجزء ده اسمه الـ User Experience وهو المسئول عن انه يخلى عملية تصفح المواقع والشراء اونلاين سهل على المستخدم وتقديم تجربه فريدة لكل مستخدم، يعنى تكون بسيطة وممتعه.
لو ده ماتحققش اعرف انك بتخسر فلوس كتير.
دول شوية حاجات بسيطة تقدر تعملهم عشان تسهل عملية الشراء:
- اتأكد ان الزرار اللى بينقل العميل على الخطوة الجايه واضح وبيوجه العميل
- خلى عملية البحث عن المنتج اللى بيدور عليه سهله وبسيطة
- قسم المنتجات في فئات وتصنيفات واضحة ومنظمة وحطها في قائمة واحدة
- قلل عدد البيانات اللى بيدخلها العميل عشان يشترى منك
- خلى الشحن مجاناً، اعملها على ضمانتى وهتشوف النتيجة
- مش لازم العميل يسجل في الموقع عشان يشترى، خليه يشترى من غير فتح حساب
