أهم قاعدة في ميزانية الإعلانات عندنا هي استراتيجية 5X: تكلفة الإعلانات متزيدش عن 20% من إجمالي المبيعات. يعني كل جنيه بتصرفه على الإعلانات المفروض يرجعلك خمسة. وفي المقالة دي هنشرح إزاي تحسبها على منتجك، وإمتى تكسر القاعدة دي.
ولو بتحب تشوف الكلام ده عملي على الشاشة، الفيديو ده من كورسات مرشد وركس المجانية:
إيه هي استراتيجية 5X؟
دي ورقة قعدت حوالي سنة بكتبها، والميديا بايرز عندي بيمشوا عليها خطوة بخطوة. الهدف منها إن يكون عندنا تحكم كامل في تقسيم الميزانية، بناءً على حجم المبيعات اللي عايزين نحققها.
الفكرة إن الورقة دي تبقى كأني موجود: أي ميديا باير جديد يقدر ياخدها ويمشي عليها من غير ما يرجعلي في كل حاجة.
ليه 5X بالذات؟
فيه طبعاً حالات استثنائية. في المنتجات اللي سعرها غالي زي الأثاث مثلاً، زمان كان العائد ممكن يوصل لـ 25 أو 30 ضعف. الأرقام دي قلت جداً بسبب إن تكلفة الإعلانات ارتفعت، فالعادي دلوقتي إننا بنتكلم في 5X. وفي مجالات زي الفرنيتشر لسه ممكن نتكلم في 10 و12.
إزاي تحسب ميزانية الإعلانات على منتجك؟
خد مثال: عميل بيبيع منتج واحد سعره 50 دولار.
- الـ 20% من السعر = 10 دولار.
- لو صرفت أكتر من 10 دولار عشان تبيع القطعة دي، ممكن تكون بتخسر.
- طبعاً ده بيتغير حسب البروفت مارجن بتاع المنتج.
يعني قبل ما تفتح أي كامبين، لازم تبقى عارف أقصى تكلفة تقدر تدفعها عشان تجيب عميل واحد. ولو الإعلانات بتتكلف أكتر من كده، يبقى المشكلة مش في الميزانية، المشكلة في حاجة تانية لازم تتصلح.
قيمة العميل على المدى الطويل
لو العميل هيشتري أكتر من مرة، يبقى لازم تبص على حاجة اسمها اللايف تايم فاليو، يعني قيمة العميل طول الفترة اللي هيقضيها معاك.
في الحالة دي ممكن بدل ما تصرف 200 دولار تصرف 500، لأنك عارف إن الفلوس هترجعلك. لكن لو العميل هيشتري مرة واحدة، زي الكورس مثلاً، مينفعش تصرف على الإعلان 100 دولار وهو هيدفعلك 100 دولار.
متنافسش بالسعر
أسوأ استراتيجية في البيزنس إنك تنافس بالسعر وتقعد تكسّر الأسعار قدام المنافسين. اسأل نفسك: هل السعر ده فعلاً ميزة تنافسية؟ ولو هتعمل خصم، هل الميزانية تستحمل؟ لأن كل خصم بيقلل العائد اللي جايلك.
وكمان فيه مشكلة كبيرة في السوق: ناس بتسعّر منتجاتها أعلى بكتير من قدرة الإعلانات إنها تبيعها، وناس تانية بتحط ميزانية إعلانات قليلة جداً وهي محتاجة أكبر من كده.
إزاي توصل للـ 5X لو منتجك رخيص؟
لو منتجك سعره قليل، غالباً تكلفة الإعلان هتبقى أعلى من 20% من سعر القطعة. الحل إنك تعلّي قيمة الطلب:
- تبيع منتجات تانية مع المنتج الأساسي.
- تعمل عرض على أكتر من قطعة، زي “خد تلاتة”.
- تستخدم الأب سيل والكروس سيل بعد أول عملية شراء.
اقرا أكتر عن الطريقة دي في مقالة إعلانات المتجر الإلكتروني.
اتفرج على الشرح بالفيديو
والفيديو ده بيكمّل اللي قريته خطوة بخطوة:
أسئلة شائعة
إيه هو الـ ROAS؟
هو العائد على الإنفاق الإعلاني. لو صرفت 100 وجبت مبيعات بـ 500، يبقى الـ ROAS بتاعك 5X.
أحط ميزانية يومية قد إيه في الأول؟
على حسب سعر المنتج وتكلفة العميل المتوقعة، والأهم إنها تكفي الإعلان ياخد فرصته في الاختبار.
لو موصلتش لـ 5X أوقف الإعلانات؟
مش شرط. شوف الأول المشكلة فين: في الإعلان، ولا اللاندنج بيدج، ولا العرض نفسه.
اقرا الدليل الكامل: إعلانات فيسبوك وإنستجرام: الدليل الكامل من أول حملة للتوسع
اقرا كمان: دراسة حالة: من 116 ألف لـ 246 ألف مبيعات في شهر بنفس ميزانية الإعلانات تقريبًا
الخلاصة
حدد ميزانية الإعلانات بناءً على سعر المنتج وقيمة العميل، مش بالتخمين. ودي من الحاجات اللي بنشرحها بالتفصيل في كورس مصنع الميديا بايرز، المجاني بالكامل.
لو عاوز تتعلم الشغلانة دي صح من الأول، سجّل في الكورس مجاناً من هنا.

