مشاكل إعلانات فيسبوك بقت كتير بعد التعديلات الأخيرة في ميتا. وفي المحاضرة الأولى من الكورس، الطلبة سألوا أسئلة عملية جداً من شغلهم الحقيقي في مصر والأردن والإمارات وغيرها، ودي أهم المشاكل والحلول.
ولو بتحب تشوف الكلام ده عملي على الشاشة، الفيديو ده من كورسات مرشد وركس المجانية:
1. تكلفة الإعلانات بتولّع في المواسم
طبيبة بتبيع منتجات تجميل لاحظت إن التكلفة بترتفع جداً في الصيف، ومش قادرة توصل لأكتر من 3.5X.
السبب الأساسي إن المنصات (ما عدا جوجل) بتحاسبك على الظهور، ودلوقتي فاتحين أماكن كتير بتجيب ظهور كتير بس نتايجها وحشة. فلو قللت الأماكن اللي بيصرف فيها ومبتجيبش نتيجة، هتقلّل التكلفة وتزوّد العائد، وممكن توصل للـ 5X عادي. اقرا عن ميزانية الإعلانات.
2. CPM رخيص والمبيعات صفر
طالب بيبيع باروكات كان الـ CPM عنده رخيص جداً بس المبيعات وقفت. الحل:
- جرّب اللايف تايم بادجت بنفس ميزانيتك اليومية على 7 أيام.
- حدد الأوقات اللي الناس فيها صاحية وبتشتري في البلد اللي بتبيع فيها، وابعد عن أوقات النوم.
- شيل البلايسمنتس اللي ملهاش لازمة، زي الثريدز والمسنجر، لأن الناس هناك مش داخلة تشتري، والمسنجر مبيسمحش بفيديوهات.
والحاجات دي هي آخر حاجة كنت عملتها وظبطت الأرقام.
3. CTR عالي والناس مش بتشتري
فيه احتمالين:
- الرسالة بتجيب الناس الغلط: لو قلت “عندي حل يخليك تكسب مليار في شهر” كل الناس هتيجي، بس محدش هيشتري لأن الرسالة مش بتكواليفاي الناس للي هتوديهم عليه.
- المشكلة في اللاندنج بيدج: الأوفر، أو التسعير، أو إن الناس مش مصدقة. لازم يبقى فيه إقناع وبيليفابيليتي، وبروف، وضمان استرجاع يطمّن العميل.
وعشان تعرف المشكلة فين، اعزل الأوفر عن الإعلان نفسه واختبر كل واحد لوحده.
4. كام كرييتف محتاج مع الـ AI؟
الاعتماد بقى على الكرييتف وعلى السايكل بتاعته. الإعلان زي التيشيرت: بتلبسه مرات كتير لحد ما يدوب. أفضل سيناريو إنك تعمل كونتنت طول الوقت، والمحتوى اللي بيجيب تفاعل عالي تحوّله لإعلانات، لأنه أصلاً اتثبت إنه شغال في السوق بتاعك. اقرا عن التسويق بالمحتوى.
5. إعلانين لبلدين بيحاربوا بعض
طالب لاحظ إنه لما يفتح إعلان لبلد جديد، الإعلان القديم يقف، ولما يقفل الجديد القديم يرجع. مفيش تأكيد على سبب واحد، بس فيه عوامل كتير، وأهمها التايمنج: أسبوع قبل العيد في مصر غير بعد العيد في الإمارات، والمواسم بتختلف من بلد للتاني.
والحل الأبسط: كامبين واحدة للبلاد مع بعض، وجرّب قبل ما تحكم.
6. أنظّم الكامبينز إزاي؟
ميتا بتفضّل دلوقتي كامبين واحدة وآد سِت واحد وتحته من 3 لـ 5 آدز. ابدأ بكده، شوف النتيجة 3 أيام، وبناءً عليها يا تزوّد آدز يا توقف.
اقرا الدليل الكامل: إعلانات فيسبوك وإنستجرام: الدليل الكامل من أول حملة للتوسع
اتفرج على الشرح بالفيديو
والفيديو ده بيكمّل اللي قريته خطوة بخطوة:
الخلاصة
معظم مشاكل الإعلانات ليها حل لو فهمت الأرقام وجربت بمنهجية، ومفيش حاجة مضمونة قبل التجربة. ودي الأسئلة اللي بنجاوب عليها مع الطلبة في كورس مصنع الميديا بايرز، المجاني بالكامل.
لو عاوز تتعلم الشغلانة دي صح من الأول، سجّل في الكورس مجاناً من هنا.


