دكتور ولا مهندس؟

كل اب وام نفسهم يشوفوا طفلهم احسن حد في الدنيا، كلنا بنحاول نزرع في أطفالنا الرغبة الشديدة في النجاح، لكن مفيش طريقة مضمونة نقدر نوصل الطفل لرؤية المستقبل بالشكل اللى يخلية يفكر بشكل مظبوط بحيث يكون فاهم هو عاوز يشتغل ايه لما يكبر.

السؤال اللى كلنا بنسأله لكل الأطفال وهو عاوز تطلع ايه لما تكبر؟

تخيل الطفل جاوب وقال عاوز ابقى دكتور او مهندس او ضابط.

هل فعلاً الطفل فاهم الإجابة؟ هل يعرف دكتور يعنى ايه؟ بيعمل ايه؟

غالباً لا، لان المعرفة بتاعته عن الدكتور مثلاً هو الشخص اللى بيديلة حقنة ودائماً بيكون في خوف من الشخص ده، لانها مرتبطة بالم.

لا بيكون عارف طبيعة عمل الدكتور ايه ولا عارف الادوات اللى بيستخدمها ولا حتى ليه بنروح للدكتور من الاساس.