مشكلة بتتكرر فى كل بيت!

مفيش بيت مش بيحصل في كده، طفل غضبان، بيعيط، وسلوكيات تابعة للغضب ده بتوصل الطفل فى بعض الحالات للانطوائية خوفاً من تكرار الحدث اللى طفلك لا فاهمة ولا عارف يتعامل معاه.

نوبات الغضب تعتبر اكبر تحدى بيواجة الاهل لانهم لا بيكونوا فاهمين الطفل ماله ولا بيبقوا عارفين يتصرفوا ازاى.

انا فاكره مره كنا فى السوبر ماركت وابنى انفعل جداً وقعد يعيط ويصرخ ويوقع فى الحاجات من على الرف، وانا اتكسفت جداً وحاولت اسكته، لكن كل محاولاتى كانت بتزيد انفعاله وانا مكنتش فاهمه ايه اللى بيحصله.