ازاى وصلنا للنقطه دى؟

سنة 2012 كانت اول سنة بيزنس ليا، زى اى شاب طموح عاوز يفتح شركة ويكسر الدنيا ويبيع بمليون جنيه اول يوم شغل، المهم بدأت وكانت اول صدمة ليا في حياتى! في السنة دى مبيعتش ولا بيعه الا بعد سنة كاملة، حتى فاكر المكالمة بتاعت الموافقه بالتفصيل، كنت طاير من الفرحة، الحمد لله ربنا كرمنا وهنبدء نبيع ودخلنا فى المرحلة اللى بعدها.

قعدنا 3 سنين نحاول نبيع بكل الطرق، صرفنا فلوس كتير وجربنا كل طرق واستراتيجيات التسويق اللى نعرفها واللى منعرفهاش، مصاريف كتير ومجهود جبار ومش قادرين نبيع لعملاء جداد، معظم العملاء اللى كنا بنبيع لهم كانوا معارف ياما صحاب لينا ياما معارف من العملاء اللى بنشتغل معاهم.

كان فى حاجه ناقصه ومش عارفين ايه هى، قضينا 3 سنين فى البيزنس جربنا كل حاجه ليها علاقة بالتسويق والمبيعات، مفيش استراتيجية مجربنهاش وده وصلنا لأربع حقائق مهمة جداً عن البيع:

1️⃣ البيع نتيجة حتميه للتسويق المستمر
2️⃣ لازم نقــدم حـــــل لمشــكلة الــعميل
3️⃣ العمـيل مــش هيـشـترى مـن نفـسه
4️⃣ البيع مـحتاج ناس بتعـرف تقفـل البيعه

وده اللى خلانا نشتغل على تصميم نظام بيع متكامل خلانا نقدر نبيع لاى عدد عملاء وادانا تحكم كامل فى ميزانية التسويق، عارفين بنصرف كام وداخلنا كام

المهم ووصلنا لاهم نقطة اى بيزنس عاوز يوصلها وهو انه عارف بالظبط ازاى يجيب اى عدد عملاء فى اى وقت وعارف تكلفة العميل الواحد كام، بالتالى عارف بالظبط هيصرف كام وهيدخله كام.

ده بالظبط اللى بنقدمه في كورس ضاعف مبيعاتك بنفسك خلال 90 يوم، انك توصل لنفس النقطة، نفس السيستم اللى هتتعلمه، هيخليك تقدر تبيع منتجك/خدمتك لأى عدد انت عاوزه مهما كان نشاطك ايه!