بتدور على دليل كامل لمقاسات الصور على مواقع السوشيال ميديا؟
واحدة من المهام الرئيسية اللى بعملها بشكل دورى فى شغلى، هى انى اعمل تصميمات للمحتوى اللى بنزله على السوشيال ميديا، طبعاً زى اى حد فى مصر، دى مش المهمة الوحيدة اللى بعملها، عشان كده مش بفتكر المقاسات وابعاد التصميمات ايه وخصوصاً ان كل نوع محتوى ليه ابعاد مختلفه، ولانى دايماً بحاول اوفر وقت عشان انجز الشغل بتاعى بسرعة، قررت اعمل نماذج جاهزه من التصميمات بالابعاد المطلوبه على مواقع السوشيال ميديا المختلفه.
المعلومات دى مجمعها من مواقع السوشيال ميديا نفسها بتاريخ 5 يناير 2021، هتلاقى هنا دليل كامل لمقاسات الصور على مواقع السوشيال ميديا زى الفيسبوك وتويتر ولينكدان ويوتيوب وبنترست
المقالة دى هيتعملها تحديث كل منكتشف ان نزل تحديث جديد فى ابعاد الصور على اى موقع، وهتتراجع كل ٣ شهور عشان نكون متاكدين ان المقاسات الموجوده هنا هى المقاسات الصحيحه باستمرار، لو اكتشفت ان فى معلومات غلط فى المقاسات المعروضه، ياريت تسيبلنا كومنت او راسلنا بأى شكل يناسبك.
